Waaxda gurmadka deg deg ee maamulka Gobolka Banaadir ayaa saakay u gurmaday nin xalay isaga oo hurdaya misana qaraw ku jiray kasoo dhacay dabaq uu ka degnaa Degmada Xamar Weyne.

Ninkan oo da’diisa lagu qiyaasay afartameeyo ayaa xalay kasoo dhacay dabaqii uu degnaa, waxa uuna ninkan kusoo dhacay dabaq gaaban oo ku dhinac yaalay dhismihii uu kasoo dhacay.

Dadka deegaanka oo maqlay qeylada ninkan ayaa ku wargaliyay maamulka degmada Xamar Weyne , waxaana ninkan isaga oo jajaban sidoo kale dhaawacyo kale qaba dabaqa kasoo dejiyay Koox katirsan Waaxda gurmadka deg dega ee gobolka Banaadir.

Ninkan xalay kasoo dhacay dabaqa uu ka degnaa Degmada Xamar Weyne ayaa la geeyay isbitaal kuyaala magaalada Muqdisho si loogu daweeyo, waxaana dhacdan noqotay mid saakay si weyn looga hadal hayo Degmada Xamar Weyne.

LEAVE A REPLY

Please enter your comment!
Please enter your name here