Magalada Jabuuti ee Caasimadda dalka Jabuuti iyo guud ahaan dalkaas waxaa Maanta siweyn looga dareemayaa u dabaaldegida sanad-guuradii 42aad oo ku beegan markii ay ka xuroobeen Gumeystihii Faransiiska 27-kii June sanadkii 1977.

Munaasabado kala duwan ayaa lagu qaban doonaa Maanta ilaa Caawa gudaha dalka Jabuuti,waxaana haatan socda diyaar garoow ay wadaan Ciidamada Dowladda Jabuuti iyo qeybaha kala duwan ee dadka ku nool dalkaas.

Gaadiidka dagaalka noocyadiisa kala duwan oo lagu buufiyay Calanta Jabuuti iyo astaamo  kale ayaa dhoolatus kusoo bandhigay Barxad weyn oo ku taalla Caasimadda Jabuuti ee Djabuuti,iyaga oo ku maamusayo maalintii ay iska dul qaadeen guleystihii Faransiiska.

Dalkaasi Jabuuti waxaa ku sugan Diblomaasiyiin ka kala socda Caalamka,kuwaas oo kala qeyb qaadan doona xuska sanad-guuradii 42aad ee kasoo wareegtay Madaxbanaanidooda.

Wufuud ka socota Maamul goboleedyada oo uu ka mid yahay Madaxweyne kuxigeenka Puntland Axmed Cilmi Cismaan Karaash ayaa ka mid ah mas’uuliyinta Soomaalida ah ee Jabuuti casuumtay,waxaana sidoo kale kala qeyb geli doona wafdi ka socda Dowladda Federaalka.

Madaxweynihii hore ee Soomaaliya Sheekh Shariif Sheekh Axmed ayaa Madaxda dowaldda Jabuuti iyo Shacabkooda ugu hambalyeeyay sanad-guuradii 42aad ee kasoo wareegtay Madaxbanaanidooda oo ay manta u dabaal-degayaan.

LEAVE A REPLY

Please enter your comment!
Please enter your name here